LOITAS MEDIEVAIS EN SANTA MARIÑA.

Se vos atrevedes a adentrarvos en verdadeiras historias de guerra, de corte medieval, non deixedes de botar un ollo a esta canga de aventuras de loita e enfrontamento que nos ofrecen os escolares do CEP Santa Mariña de redondela, historias de batallas, enganos, reis e cabaleiros á beira do mar que xurdiron do obradoiro de escrita creativa realizado pola editorial Kalandraka e que nace da proposta da publicación de Batalla de naipes, de Juan Ignacio Pérez Palomares.

AMOR E GUERRA NA ESTRADA

Os escolinos do CEIP Pérez Viondi participaron e deron boa conta do obradoiro de escrita creativa desenvolvido por KALANDRAKA para o programa Bocaberta da Secretaría Xeral de Política Lingüística. Nesta ocasión, achegáronnos unha serie de historias de reis, batallas, fillos perdidos, amizade, amores difíciles… Botádelle unha ollada a estas fermosas historias que tamén podedes escoitar nas voces dos seus creadores. 

A CREATIVIDADE DE PABLO OTERO

 

O ilustrador ourensán Pablo Otero foi un dos invitados de PALABRAS NO AR, ao seu paso por Allariz. Para os escolares desta vila en particular, e do resto de Galicia en xeral, enviou un saúdo e unha petición…

“…Gustaríame pedirvos que forades o máis curiosos posible. Que vos fagades moitas preguntas. Que non teñades medo á hora de saír á rúa e coller cousas que atopedes por aí; cousas que non sexan de ningúen, ou que sexan de todos. Collédeas, cheirádeas. Paus, pedras, madeiras… Atesourádeas, porque moitas veces non se sabe para onde imos tirar. E disfrutade, simplemente!”

Durante a súa participación nos obradoiros de escrita, os alumnos e alumnas do CEIP Padre Feijóo fixéronlle unha interesante entrevista, na que abarcan aspectos tan sorprendentes como a orixe de libros como “Mateo”, “O príncipe das sombras” e “ABCdiario”, ou o significado do concepto creatividade.

O ACHADO DE OUZANDE

Nun antigo pergameo achado en Ouzande aparece a transcrición de dúas coplas tradicionais galegas. A fortuna quixo que os derradeiros versos destas dúas coplas se deterioraran pola humidade ata o punto de seren totalmente ilexibles. Os alumnos do CEIP Pérez Viondi axudáronnos nesta ocasión e reelaborar ou a reescribir estes anacos perdidos da Historia, no obradoiro de oralidade realizado por KALANDRAKA.

TATÁN, INVITADO ESPECIAL EN REDONDELA

PALABRAS NO AR recibe a un invitado moi especial: Eduardo Alberto Rodríguez Cunha, ‘Tatán’. É un dos actores do grupo de monicreques Tanxarina, co que actúa en festivais de toda Galicia e do resto do mundo. Tamén imparte cursos de títeres e sombras chinesas en espazos como a libraría infantil Libros para Soñar, de Vigo. Os nenos e nenas de Redondela descubriron, nunha ampla entrevista, en que consiste este oficio tan antigo e que require tanta mestría.

CAMBIOS NA PROGRAMACION DE ‘PALABRAS…’ EN CULLEREDO

De novo temos que comunicarvos un cambio na programación de PALABRAS NO AR en Culleredo. Problemas técnicos non fixeron posible a emisión do xoves, polo que o programa de onte será emitido hoxe no horario anunciado, as 11:30 horas na sección habitual adicada a cultura. Así pois, o derradeiro PALABRAS NO AR sairá en antena o luns 21 ás 13:05. As nosas desculpas e as de Radio Culleredo a todos os oíntes que habitualmente seguides aos nenos e nenas deste concello, botando as súas PALABRAS NO AR.

CAMBIO DE HORARIO DO DERRADEIRO ‘PALABRAS…’ DE CULLEREDO

Os responsables da emisora municipal de Culleredo infórmannos dun cambio de horario da derradeira emisión de PALABRAS NO AR, prevista para venres 18 ás 13:00 horas. Así pois, poderédela escoitar o mesmo día ás 11:30h. dentro do habitual programa de Cultura.

Agardámosvos.

UNHA FESTA PARA IGREXIÑO

A  visita de PALABRAS NO AR aos nenos e nenas do CEIP da Igrexa-Chapela deparounos unha moi agradable sorpresa: atopamos a IGREXIÑO , un personaxe que vive na súa biblioteca e que ten unha historia moi especial. Queredes coñecelo?

ENTRE AS PEDRAS DA TORRE DE CELAS

Grazas á campaña PALABRAS NO AR, desenvolvida por KALANDRAKA, esta vez achegámonos máis á historia imaxinaria do Concello de Culleredo. Aquela historia que non está tirada de documento ningún, senón das cabezas e da imaxinación das nenas e nenos do CEIP de Tarrío, que desta vez nos presentan un dos grandes tesouros de Culleredo. 

CONTOS CON MÚSICA EN CULLEREDO

Durante a semana do 23 ao 27 de novembro, os nenos e nenas dos CEIP Sofía Casanova, CEIP de Tarrío, CEIP Ría do Burgo, CEIP Isaac Díaz Pardo e CPR Ponte da Pasaxe participaron nas sesións de contos con música que KALANDRAKA realizou no Edificio de Usos Múltiples do Burgo, no marco da campaña PALABRAS NO AR. Achegádevos ao que foron estas actividades de dinamización da lingua, con algúns dos habitantes máis cativos do concello…

VISITA GUIADA POR CHAPELA

O que vos propoñemos nesta ocasión é unha visita a Chapela da man dos nenos e nenas do CEIP Alexandre Bóveda de Angorén. Escoitade como ven e valoran o lugar onde viven mentres facedes un percorrido polo espazo a vista de paxaro. E se vos gustou o paseo pola beiramar…que tal se agora xogamos ás adiviñas?

‘PALABRAS…’ DE CULLEREDO, PRONTO NO AR

SAÚDO DOS AUTORES DE ‘GARAVANCIÑO’

Olalla González e Marc Taeger, adaptadora e ilustrador de “Garavanciño”, editado por KALANDRAKA, envíanlles un agarimoso saúdo aos escolares de Allariz que participaron na campaña PALABRAS NO AR…

MÁIS DE 10.000 VISITAS AO BLOG DE ‘PALABRAS NO AR’

MOITAS GRAZAS A TOD@S 

 

MONICREQUES EN PORTO CABEIRO

Esta é unha pequena mostra do obradoiro desenvolvido polo equipo de PALABRAS NO AR  no CEIP Porto Cabeiro de Redondela. Alí, aproveitando a experiencia dos escolares na construcción de personaxes con elementos de refugallo, quixemos animalos a pensar, debuxar e describir cadanseu monicreque. Que mellor lugar que Redondela para renderlle unha merecida homenaxe ao teatro de títeres e aos seus protagonistas…