VISITA O NOVO BLOG DE PALABRAS NO AR 2010

Preme na imaxe e accede ao novo blog.

PALABRAS NO AR COMEZA UNHA NOVA ANDAINA

PALABRAS NO AR renova a súa imaxe, os seus contidos e continúa percorrendo deferentes vilas e concellos da xeografía galega. As Pontes, Arzúa, Cerceda, Carral, Palas de Rei, Quiroga, Caldas de Reis, Ponteareas e Arteixo serán os escenarios desta nova xeira de obradoiros e programas de radio cos que Kalandraka tentará animar aos nenos e nenas galegos no uso da nosa lingua.

E MOI PRONTO… UN NOVO DESEÑO DE BLOG¡

ANTIGAMENTE…NA RÍA DE AROUSA

Aquí tedes este video elaborado a partir das intervencións dos nenos e nenas do CEIP Corvillón de Cambados no taller de oralidade desenvolvido en PALABRAS NO AR. Unha pequena reflexión sobre o que o paso do tempo trouxo e levou.

‘GALEGO Á BEIRA DO MAR’…DE CAMBADOS

Velaquí outra mostra de creatividade dos nenos e nenas de Cambados. Nesta ocasión foron os alumnos de 6º curso de primaria do CEIP San Tomé os que crearon pequenos relatos a partir das ilustracións de Xosé Cobas en Galego á beira do mar.

 

‘GALEGO Á BEIRA DO MAR’ DE CULLEREDO

Presentámosvos este video como resultado do obradoiro de escrita creativa de PALABRAS NO AR cos nenos e nenas do CEIP Ría do Burgo. Un título, Galego á beira do mar, serviunos de punto de partida para que cada alumno propuxera o seu pequeno relato particular a partir dunha das ilustracións que Xosé Cobas ten incluídas no álbum. Un saudable exercico de ‘fantástica’ que vos animamos a repetir.

MÁIS BECHOS DA RÍA DO BURGO

Velaquí outro video-xogo para os amantes da natureza, nesta ocasión con máis habitantes das nosas rías. Animádevos e tentade acertar as adiviñas que vos propoñen os nenos e nenas do CEIP Ría do Burgo no seu obradoiro de oralidade.

MENÚS ORIXINAIS EN SAN TOMÉ

Cocido de ceros. Gorentosa e nutritiva receita, ainda que non moi aconsellable para aqueles que esteamos na escola. Por iso os alumnos e alumnas do CEIP San Tomé elaboraron no obradoiro de escrita creativa uns menús máis apropiados aproveitando os mellores ingredientes do mar do Salnés.

ADIVIÑA ANIMAIS DO FONDO DO MAR

Aquí tedes un xeito cómodo e divertidio de coñecer os animais dos nosos fondos mariños . Iso si, antes tedes que acertar as adiviñas propostas polos nenos e nenas de 4º curso de primaria do CEIP San Tomé de Cambados nun dos obradoiros de oralidade de PALABRAS NO AR. Un traballo doado para eles, para o capitán Nemo e para o resto dos tripulantes do Nautilus…

HISTORIAS DE NAIPES EN VILARIÑO

A biblioteca do CEIP Enrique Barreiro Piñeiro foi o espazo onde o equipo de  PALABRAS NO AR  desenvolveu o obradoiro de escrita creativa a partir da proposta de Batalla de Naipes. Escoitade as historias creadas polos nenos e nenas de Vilariño e votade por aquela que máis vos guste.

CASTRÉLIX E AS ÁRBORES DE CASTRELO

Velaquí tedes aos nenos e nenas de 3º de primeria do CEIP de Castrelo participantes no obradoiro de oralidade de PALABRAS NO AR. Seguide con eles e xogade ás adivinas coas nosas árbores.

CONTOS CON MÚSICA NA PASTORA

A Escola de Educación Infantil A Pastora foi a primeira parada de PALABRAS NO AR no concello de Cambados. Alí chegaron Patricia e Pablo, convidados  por Galileo Galilé, para contarlles e cantarlles aos nenos e nenas unha chea de divertidas historias…

EN CULLEREDO, ANTIGAMENTE

Os obradoiros de oralidade desenvolvidos cos nenos e nenas dos C.E.I.P. de Tarrío e do Colexio Ponte Pasaxe tiveron un nexo común, ambos xiraron en torno ao noso pasado máis recente.  En primeiro lugar coñecemos a Manuel e Manuela, os protagonistas do  álbum Avós, quenes nos levaron reflexionar sobre as diferenzas entre a nosa vida cotiá e a de hai tan só unhas décadas. Antigamente….

ADIVIÑA ANIMAIS: AVES DA RÍA DO BURGO

Velaquí o resultado do obradoiro de oralidade desenvolvido polo equipo de PALABRAS NO AR  cos nenos e nenas do CEIP Ría do Burgo: un divertido enredo que porá a proba o voso coñecemento sobre algunha da fauna máis próxima. Se non sodes quen de acertar… apagade o voso ordenador e liscade dar unha voltiña á beira do mar cos ollos ben abertos.

HISTORIAS DE IDA E VOLTA

Aquí a tedes….a nova banda de Vilacendoi, formada con rapaces e rapazas de aquí e de acolá, símbolo do renacer dunha pequena aldea despois de duros tempos de emigración e soidade. Este foi para nós o punto de partida dunha viaxe compartida cos nenos e nenas do CEIP Isaac Díaz Pardo na que ,despois  dunha ollada ao noso pasado, creamos novas historias para un futuro mellor.

INVENTANDO… COPLAS

Velaquí os nenos e nenas do CEIP Sofía Casanova de Culleredo que veñen de participar nun dos Obradoiros de Oralidade de PALABRAS NO AR. Durante pouco máis dunha hora e dun xeito moi creativo, traballaron arredor das nosas coplas tradicionais, coñecendoas e recreando novas fórmulas a partires das xa existentes. Animádevos e escoitade as súas divertidas propostas.