continúa coas súas emisións en Radio Redondela. Acendede os vosos receptores ás 14:10 horas e sintonizádeos no 94.4 ou 94.9 da FM para escoitar o que teñen que contar os nenos e nenas desta vila. E coma sempre, tamén no blog. Xa tedes aloxado o do martes 1 de decembro!
Permanecede atentos aos vosos receptores para cazar ao voo as PALABRAS NO AR dos nenos e nenas de Redondela. E coma sempre, poderedes escoitar tamén os programas a través do blog.
O carteiro real xa nos trouxo os cinco programas de PALABRAS NO AR emitidos en Radio Estrada para pór á vosa disposición no blog. Non vos perdades o que teñen que contar os nenos e nenas deste concello sobre o lugar onde viven. E coma sempre, contos, músicas, coplas, adiviñas, refráns, orixinais receitas de cociña, historias de intriga pacega… seguen presentes nas nosas emisións.
Accedede aos programas na barra lateral do blog ou desde a propia páxina web da emisora.
Agardámosvos.
Escoitade xa no blog os primeiros PALABRAS NO AR emitidos o luns, martes e mércores en Ames Radio e acompañade os nenos e nenas desta localidade no seu percorrido por distintos aspectos da nosa lingua e da nosa cultura. Contos, música, coplas, adiviñas, poesía, creacións literarias… sorprenderanvos na voz dos máis pequenos. Ademais, contamos nestes programas cunha convidada especial, Filomena Fraga, madriña de honra de Ames Radio e muller entranable e xenerosa que compartiu con todos nós a súa sabedoría.
Continuade atentos ao blog ou cazade as PALABRAS no ceo de Ames, cos vosos receptores de radio.
O equipo de PALABRAS NO AR depídese de Allariz coa emisión do derradeiro programa radiofónico no que Olalla González e Marc Taeger, autores de “Garavanciño“, envían un agarimoso saúdo para todos os nenos e nenas da vila. Agradecemos a colaboración de todos os que participastes nas acticidades e, especialmente, ao equipo de Cultura do Concello e á Radio Municipal de Allariz pola súa axuda e complicidade.
Continuade atentos ás PALABRAS NO AR.
Xa podedes escoitar o cuarto espazo radiofónico de PALABRAS NO AR directamente neste blog. Non perdades as interesantes reflexións que fai o artista plástico ourensán Pablo Otero a preguntas dos nenos e nenas de Allariz. Na súa intervención, relata cal é súa a relación coa vila do Arnoia. Continuade atentos á frecuencia de Radio Allariz para escoitar mañá o derradeiro programa desta etapa. Haberá máis invitados sorpresa…
O terceiro programa de ‘PALABRAS…’ xa está no ar! E ben seguro que moitos dos que nos seguides dende esta vila ourensá o teredes escoitado, non si? Se non o puidestes facer, non vos apuredes. Podedes descargalo, coma sempre, neste blog, accedendo á sección PROGRAMAS na barra lateral. E continuade atentos a Radio Allariz! No espazo radiofónico de mañá haberá un invitado moi especial que nos vai descubrir cousas sobre o seu traballo e a súa relación coa vila.
Escoitade hoxe en Radio Allariz, ás 13:05 e ás 15:00 horas, a segunda das nosas emisións, protagonizada polos nenos e nenas da vila ourensá arredor da campaña PALABRAS NO AR. E se non tedes oportunidade de sintonizalo no horario programado, descargádeo directamente nesta web.
Como anunciaramos, hoxe retómanse as emisións radiofónicas de PALABRAS NO AR . Os novos programas acompañaranvos ata o 16 de outubro ás 13:05 e ás 15:00 horas, na sintonía de Radio Allariz (107,2 FM) . E para aqueles que non teñades a oportunidade de escoitalos a través do receptor, podedes facelo aquí mesmo ou por Internet, enlazando coa emisión dixital de Radio Allariz nos horarios programados. Moitas grazas a todos os nenos e nenas que teñen participado nas actividades, ao departamento de Cultura do Concello e, en especial, ao equipo de Radio Allariz pola súa colaboración.
Unha sorpresa agarda aos nenos e nenas de Fene no comezo deste novo curso: todos aqueles que o pasado mes de maio tiveran participado nas actividades de dinamización lingüística desenvolvidas por KALANDRAKA nos centros educativos deste concello, recibirán como agasallo, nestes primeiros días de volta á escola, o CD coa gravación dos cinco programas de PALABRAS NO AR emitidos previamente na radio municipal.
Tic-tac, tic-tac, o reloxo vai soar…
Con esta sintonía xa coñecida por todos comeza e remata a derradeira emisión de PALABRAS NO AR en Santiago. Nesta ocasión, chegounos unha sorpresa especial dende a outra beira do Atlántico: Natalia Colombo, autora e ilustradora de Cerca, libro gañador do 1º Premio Compostela de álbum ilustrado, envíanos unha mensaxe de voz para os nenos e nenas composteláns. Non vos parece fantástico? Unha arxentina falando galego ¡
Animádevos a escoitala premendo no seguinte reproductor ou abrindo enlace correspondente da sección Programas na barra lateral.
Continuade atentos aos vosos receptores para sintonizar unha nova entrega de PALABRAS NO AR a través da Cadea SER en Santiago de Compostela. Nesta ocasión as historias mediavais portagonizadas por reis, príncipes e princesas inspiradas na obra Batalla de naipes teñen especial protagonismo. Sabedes que en Santiago hai unha igrexa onde habitan as catro sotas da baralla? Pois para saber máis, escoitade aquí o que vos contan os nenos e nenas compostelás.
E recordade: a seguinte emisión trasladouse ao LUNS 20 DE XULLO ÁS 13:40 HORAS.
Continúan as emisións de PALABRAS NO AR en Santiago a través da frecuencia de Radio Galicia-Cadea SER . Os nenos e nenas compostelás seguen a mostrar a súa creatividade ofrecéndonos historias elaboradas nos obradoiros de oralidade e de escrita a partir das propostas do equipo de KALANDRAKA. O invitado nesta ocasión é Xulio Gayoso, autor e ilustrador de A banda de Vilacendoi, conto que serve de elmento conductor do programa de hoxe. Animádevos a escoitalo premendo o reproductor.
Agardámosvos na seguinte entrega de PALABRAS NO AR.
 | Leli en ‘PALABRAS…’ … |
 | Ines en O BLOG DE ‘PALABRAS… |
| Ines en MENÚS DE OUTONO EN QUINTE… |
REDONDELA:
A ESTRADA:
AMES:
ALLARIZ:
SANTIAGO:
MONFORTE:
FENE:
