De novo temos que comunicarvos un cambio na programación de PALABRAS NO AR en Culleredo. Problemas técnicos non fixeron posible a emisión do xoves, polo que o programa de onte será emitido hoxe no horario anunciado, as 11:30 horas na sección habitual adicada a cultura. Así pois, o derradeiro PALABRAS NO AR sairá en antena o luns 21 ás 13:05. As nosas desculpas e as de Radio Culleredo a todos os oíntes que habitualmente seguides aos nenos e nenas deste concello, botando as súas PALABRAS NO AR.
Os responsables da emisora municipal de Culleredo infórmannos dun cambio de horario da derradeira emisión de PALABRAS NO AR, prevista para venres 18 ás 13:00 horas. Así pois, poderédela escoitar o mesmo día ás 11:30h. dentro do habitual programa de Cultura.
Agardámosvos.
continúa coas súas emisións en Radio Redondela. Acendede os vosos receptores ás 14:10 horas e sintonizádeos no 94.4 ou 94.9 da FM para escoitar o que teñen que contar os nenos e nenas desta vila. E coma sempre, tamén no blog. Xa tedes aloxado o programa do martes 1 de decembro!
Despois do seu paso por Culleredo, PALABRAS NO AR trasládase á localidade pontevedresa de Cambados, onde comeza o día 30 de novembro. Contos con música, obradoiros de oralidade e de escrita creativa ocuparán o tempo de case 800 nenos e nenas dos centros escolares de Infantil e de Primaria deste municipio ate o 11 de decembro. Os programas radiofónicos emitiranse a través de Radio Lider Cambados ás 13:30 horas na semana do luns 11 ao venres 15 de xaneiro, na frecuencia do 107.9 FM. E coma sempre, poderedes seguir aquí a evolución de todas as actividades.
Para máis información, descarga a nota de prensa.
PALABRAS NO AR segue a desenvolver as súas actividades no concello coruñés de Culleredo. Despois da primeira semana de obradoiros de escrita e de oralidade, estanse a realizar estes días, no Edificio de Usos Múltiples do Burgo, as sesións de contos con música. Moi pronto teredes información no blog do que alí está acontecendo. E recordade que as emisións radiofónicas están previstas dende o 14 ao 18 de decembro en Radio Culleredo, no 101.2 da FM.
Continuade á espreita das vosas PALABRAS NO AR.
PALABRAS NO AR está de noraboa. Celebramos a ‘entrada’ número 100 deste blog, co que facemos un seguemento constante á campaña de dinamización lingüística coa que KALANDRAKA está percorrendo a xeografía galega. Queremos compartir este logro con toda a comunidade escolar, cos bibliotecarios e libreiros, cos lectores cativos e grandes que visitan este modesto recuncho da rede. Ogallá haxa cen motivos máis para seguir festexando o achegamento dos nenos e nenas galegos á nosa lingua e á nosa cultura. Moitas grazas por acompañarnos neste fermoso camiño de palabras, músicas e voces.
A oitava etapa da Campaña de Animación Lingüística PALABRAS NO AR, que realiza KALANDRAKA, comeza a partir deste luns día 16 en Culleredo. Esta iniciativa, que se enmarca no programa ‘Bocaberta’ da Secretaría Xeral de Política Lingüística da Xunta, consiste en sesións de contos e música, obradoiros de oralidade e de escrita creativa, que se desenvolverán ata o 27 de novembro. Participarán máis de 800 escolares de cero a once anos de idade, pertencentes aos CEIP Sofía Casanova, Isaac Díaz Pardo, Ría do Burgo, o CEIP de Tarrío e o CPR Ponte da Pasaxe.
A sexta etapa da Campaña de Animación Lingüística PALABRAS NO AR, que realiza KALANDRAKA, comeza o vindeiro luns día 19 na Estrada. Esta iniciativa, que se enmarca no programa ‘Bocaberta’ da Secretaría Xeral de Política Lingüística da Xunta, achegará sesións de contos e música, obradoiros de oralidade e de escrita creativa, para escolares de tres a once anos de idade. As actividades celebraranse ata o venres 30 deste mes e participarán máis de 800 escolares pertencentes aos CEIP do Foxo, de Figueiroa, de Oca, e os CEIP Cabada Vázquez, Pérez Viondi e Manuel Villar Paramá.
Como anunciaramos, hoxe retómanse as emisións radiofónicas de PALABRAS NO AR . Os novos programas acompañaranvos ata o 16 de outubro ás 13:05 e ás 15:00 horas, na sintonía de Radio Allariz (107,2 FM) . E para aqueles que non teñades a oportunidade de escoitalos a través do receptor, podedes facelo aquí mesmo ou por Internet, enlazando coa emisión dixital de Radio Allariz nos horarios programados. Moitas grazas a todos os nenos e nenas que teñen participado nas actividades, ao departamento de Cultura do Concello e, en especial, ao equipo de Radio Allariz pola súa colaboración.
A quinta etapa da Campaña de Animación Lingüística PALABRAS NO AR, que realiza KALANDRAKA, comeza a partir deste luns día 5 en Ames. A iniciativa, que se enmarca no programa ‘Bocaberta’ da Secretaría Xeral de Política Lingüística da Xunta, achegará sesións de contos e música, obradoiros de oralidade e de escrita creativa, para escolares de tres a once anos de idade. As actividades celebraranse no Pazo da Peregrina ata o 16 de outubro e participarán máis de 800 escolares pertencentes aos CEIP Bispo Guerra Campos, Agro do Muiño, Barouta e Ventín, a Escola de Educación Infantil de Milladoiro e os centros unitarios de Ames, Ortoño, Bugallido, Agrón e Covas.
O equipo de PALABRAS NO AR chega esta semana a Allariz, no corazón da provincia de Ourense, para desenvolver -no marco da campaña BOCABERTA- as súas actividades de dinamización lingüística. Obradoiros de oralidade, obradoiros de escrita creativa e sesións de contos con música ocuparán o tempo de todos os nenos e nenas de Educación Infantil e Primaria da vila, que visirán a Biblioteca Municipal entre os días 22 de setembro e 2 de outubro.
Unha sorpresa agarda aos nenos e nenas de Fene no comezo deste novo curso: todos aqueles que o pasado mes de maio tiveran participado nas actividades de dinamización lingüística desenvolvidas por KALANDRAKA nos centros educativos deste concello, recibirán como agasallo, nestes primeiros días de volta á escola, o CD coa gravación dos cinco programas de PALABRAS NO AR emitidos previamente na radio municipal.
 | palabras no ar en TATÁN, INVITADO ESPECIAL EN… |
 | ivan en ‘PALABRAS NO AR’ C… |
 | Manu en MÁIS DE 10.000 VISITAS AO BLOG… |
REDONDELA:
A ESTRADA:
AMES:
ALLARIZ:
SANTIAGO:
MONFORTE:
FENE:
